खूप सारे प्रश्न पडले,
पण सारे अनुत्तरात सडले,
उत्तरे ना तुला ना मला होती ठाऊक,
केवळ मनेच आपली होती भाऊक.
पण सारे अनुत्तरात सडले,
उत्तरे ना तुला ना मला होती ठाऊक,
केवळ मनेच आपली होती भाऊक.
कुणाला खटकली आपली जोडी ?
ना कळली नात्यातील गोडी,
कुणी भरले घरच्यांचे कान ?
उठवले संघर्षाचे रान.
घरचे ही कसे भडकवण्यावर भुलले ?
कसे आपले प्रेम नाही कळले ?
दैवी प्रेमाचा तर गातात गुण गाण,
का नाही राखला आपल्या प्रेमाचा मान ?
माझ्यातील वाईटच सारे दिसले,
चांगुलपण कुठे फसले ?
ओळखतेस, मी होतो बरा,
कोण असतो जगात कोरा ?
तू ही का मान्य केलास दुरावा ?
तुलाही हवा होता का चांगुलपणाचा पुरावा ?
कसे दूराऊन जगणे जमले ?
की मन विरहात रमले ?
मोठा प्रश्न; भेटशील पुन्हा कधी ?
आपल्या प्रेमाला मान्य करेल दैवाची यादी ?
कधी होईल दैवाला दुरावल्याची खंत?
कधी होईल या विरहाचा अंत ?