मनोगत
कवी हा एक आशावादी प्रेमी आहे. त्याचे प्रेम हरवले आहे. त्याच्या प्रेयसीला दैवाने / घरच्यांनी दुरावले आहे. शिवाय कुठे हे ही त्याला माहित होऊ दिले नाही. संपर्काचा कोणताच मार्ग त्याच्याकडे उरला नाही.
मात्र कवी हरला नाही. त्याने प्रेयसीशी एकतर्फी संवाद साधत तिला समजावण्याचा, परत बोलावण्याचा व शोधाचा प्रयत्न केला. तिचा पत्ता माहित नसताना तिच्या मागावर रहाणे खरेतर वेडेपणा आहे पण त्याचे प्रेम हेच मोठे वेड होते. त्यामुळे हे अवघड आव्हान कवीला पेलता आले. हा कवीचा सारा खटाटोप, प्रेयसीशी एकतर्फी संवाद आणि तिच्या शोधात येणार्‍या अडचणी, अपयश हे सारे “तुझ्या शोधात” आले आहे.
“तुझ्या शोधात” चे आणखी एक विशेष म्हणजे या काव्यसंच्यातील ५० कवितांपैकी प्रत्येक कवितेत “शोध” हा शब्द किमान एकदा तरी आहेच.
तर बघू या कवी आपल्या प्रेयसीला उद्देशून म्हणत असलेल्या “तुझ्या शोधात” काय काय होते.